‘స్థానిక’ ఎన్నికల ఎఫెక్ట్​.. ఏపీలో మద్యం సరఫరా నిలిపివేతకు నిర్ణయం

ఏపీలో త్వరలో స్థానిక సంస్థల ఎన్నికలు జరగనున్న నేపథ్యంలో ప్రభుత్వం ఓ కీలక నిర్ణయం తీసుకుంది. ఈ నెల 12 నుంచి 29 వరకు రాష్ట్ర వ్యాప్తంగా మద్యం సరఫరా నిలిపివేస్తున్నట్టు మంత్రి అనిల్ కుమార్ యాదవ్ వెల్లడించారు. ఓటర్లపై మద్యం, డబ్బు ప్రభావం ఉండకూడదనే ఉద్దేశంతో ఈ నిర్ణయం తీసుకున్నామని చెప్పారు. ఎన్నికల్లో డబ్బులు, మద్యం పంచేందుకు వీల్లేదని సీఎం జగన్ విప్లవాత్మక నిర్ణయం తీసుకున్నారని ప్రశంసించారు. స్థానిక సంస్థల ఎన్నికల్లో వైసీపీ విజయం ఖాయం అని ధీమా వ్యక్తం చేశారు.